Landsliðsþjálfari Alsír segist ekki þurfa á Karim Benzema, leikmanni Real Madrid, að halda.
Benzema hefur ekki spilað fyrir franska landsliðið síðan 2015 og í síðustu viku gaf hann í skyn að hann væri tilbúinn að spila fyrir Alsír þangað sem hann á ættir að rekja.
„Ég er mjög ánægður með leikmennina sem ég er með,“ sagði Djamel Belmadi, þjálfari Alsír, er hann var spurður út í Benzema.
Jafnvel þótt Belmadi vildi fá Benzema er afar ólíklegt að hann fengi leyfi frá FIFA til að spila með Alsír sem varð Afríkumeistari í sumar.
Benzema lék 81 landsleik fyrir Frakkland á árunum 2007-15 og skoraði 27 mörk. Hann lék með franska landsliðinu á HM 2010 og EM 2008 og 2012.
Landsliðsþjálfari Alsír hefur ekki áhuga á Benzema
Tengdar fréttir
Benzema vill spila fyrir aðra þjóð en Frakka
Karim Benzema vill fá að spila fyrir annað landslið þar sem hann er ekki í náðinni hjá landsliðsþjálfurum Frakka.
