Erlent

Lýsa yfir neyðarástandi vegna nasista

Kristín Ólafsdóttir skrifar
Afstaða tekin gegn nasistum í minningargöngu í Dresden fyrr á árinu.
Afstaða tekin gegn nasistum í minningargöngu í Dresden fyrr á árinu. Vísir/getty

Neyðarástandi hefur verið lýst yfir í þýsku borginni Dresden vegna uppgangs nýnasista. Borgarfulltrúi sem lagði tillöguna fram segir um að ræða alvarlegt vandamál sem ógni lýðræði í Dresden.

Í frétt BBC um málið segir að Dresden hafi lengi verið eitt helsta vígi hægriöfgamanna í Evrópu. Öfgasamtökin Pegida, sem berjast gegn meintum íslömskum áhrifum í Evrópu, voru stofnuð í Dresden.

Borgarfulltrúar í Dresden hafa nú samþykkt ályktun þess efnis að aðgerða sé þörf til að takast á við vandann. Max Aschencach, borgarfulltrúi hins vinstrisinnaða grínframaboðs Die Partei, lagði tillöguna fram. Hann segir í samtali við BBC að um sé að ræða alvarlegt vandamál. Uppgangur nýnasista í borginni ógni „opnu, lýðræðislegu samfélagi“.

Flokkur Kristilegra demókrata (CDU) í borgarstjórn Dresden hafnaði tillögunni og sagði að með henni væri gengið of langt. Tillagan var þó að lokum samþykkt með 39 atkvæðum gegn 29.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.