Corbyn sagði Ratcliffe umhverfissóða í ræðu sem hrellt hefur breska auðkýfinga Kristín Ólafsdóttir og Vésteinn Örn Pétursson skrifa 3. nóvember 2019 23:00 Jeremy Corbyn og James Ratcliffe. Mynd/Samsett Jeremy Corbyn, leiðtogi breska Verkamannaflokksins, beindi spjótum sínum að auðkýfingum í fyrstu ræðu sinni í kosningabaráttunni sem nú stendur yfir í Bretlandi. Corbyn minntist sérstaklega á Jim Ratcliffe, ríkasta mann Bretlands og umsvifamikinn landeiganda á Norðausturlandi, í ræðu sinni, sem toppar bresks viðskiptalífs virðast uggandi yfir.Stundin fjallaði um ræðu Corbyn, og hluta hennar sem fjallaði um Ratcliffe, þegar hún var flutt síðastliðinn fimmtudag. Í ræðunni sagðist Corbyn ætla að berjast gegn þeim ofurríku, mönnunum sem stinga undan skatti í „spilltu kerfi“. Þannig myndi hann takast á við þá með nýjum sköttum, mögulegum fjármagnshöftum og skurki í einkaskólakerfinu, sem ali á mismunun.Sjá einnig: Tilgangur Jim Ratcliffe sagður bara einn Corbyn nefndi sérstaklega fimm af ríkustu mönnum Bretlands í ræðu sinni og sagði að ríkisstjórn Verkamannaflokksins myndi herja á þá. Þeir eru Mike Ashley, eigandi íþróttavörurisans Sports Direct og knattspyrnufélagsins Newcastle United, bankamaðurinn Crispin Odey, fjölmiðlamógúllinn Rupert Murdoch, Hugh Grosvenor, hertoginn af Westminster og áðurnefndur Ratcliffe. Þá varpaði Corbyn fram „aðalspurningu komandi kosninga“, sem boðað hefur verið til 12. desember næstkomandi: „Með hverjum heldurðu?“ spurði Corbyn. „Umsvifamiklu umhverfissóðunum á borð við Jim Ratcliffe, ríkasta mann Bretlands, sem þénar peninga sína með því að menga umhverfið? Eða börnunum sem vaxa úr grasi í borgunum okkar með lungnateppu vegna mengunar?“Ræðu Corbyns má horfa á í heild í spilaranum hér að neðan.Eins og áður hefur komið fram er Ratcliffe Íslendingum aðallega kunnur vegna jarðakaupa á Norðausturlandi síðustu ár, í Þistilfirði og Vopnafirði. Þannig er talið að Ratcliffe ásamt viðskiptafélögum sínum eigi rúmt eitt prósent af Íslandi en hann festi nú síðast kaup á jörðinni Brúarlandi 2 í Þistilfirði í sumar í gegnum fjárfestingafélagið Sólarsali hf. Ratcliffe er þó aðallega þekktur utan landssteinanna fyrir að vera stofnandi og forstjóri efnarisans Ineos, sem er umsvifamesta efnafyrirtæki heims ef litið er til heildartekna. Tekjur félagsins námu á síðasta ári 60 milljörðum Bandaríkjadollara, eða tæplega 7400 milljörðum íslenskra króna.Harðlega gagnrýndur fyrir sýn á umhverfismál Corbyn er langt frá því að vera sá eini sem eitthvað hefur við stöðu Ratcliffe í umhverfismálum að athuga. Ratcliffe hefur verið harðlega gagnrýndur í gegnum tíðina fyrir afstöðu sína gagnvart vökvabroti (e. fracking), en það er afar umdeild vinnsla á jarðgasi. Við vökvabrot eru boraðar djúpar holur í jarðlögin, sem ganga síðan langt lárétt eftir að ákveðnu dýpi sem hefur verið náð. Vatni er þá dælt ofan í holurnar til þess að sprengja upp berg og losa um gasbirgðir sem leynast neðanjarðar. Umhverfisverndarsinnar eru margir hverjir harðlega andsnúnir vökvabroti þar sem þeir telja að vatnsból sem hafa að geyma drykkjarvatn geti mengast og orðið ónothæf. Sagði bresk stjórnvöld „aumkunarverð“ Ratcliffe og Ineos höfðu stórar hugmyndir um vökvabrot í Bretlandi fyrir nokkrum misserum en löggjöf Bretlands í þeim efnum hefur reynst Ratcliffe þyrnir í augum. Samkvæmt núverandi reglum þarf að láta af vökvabroti í hvert skipti sem jarðskjálfti af stærðinni 0,5 eða meira á sér stað. Þetta veldur því í raun að lítið sem ekkert vökvabrot getur átt sér stað, þar sem litlir jarðskjálftar fylgja gasvinnslunni. Breska ríkisútvarpið fjallaði um málið í maí á þessu ári. Þar er meðal annars haft eftir Ratcliffe að honum þætti ekki mikið til afstöðu ríkisstjórnarinnar koma. „Mér finnst stjórnvöld hafa verið aumkunarverð þegar kemur að þessu máli. Í alvöru, mér finnst það,“ sagði Ratcliffe meðal annars. Hann sagði reglurnar til komnar vegna þess að ríkisstjórnin hefði hlustað á „afar háværan, en agnarsmáan, minnihluta fólks“ og taldi afstöðu ríkisstjórnarinnar helgast af vanþekkingu. Undirbúa flutninga í unnvörpumBreska dagblaðið Guardian greindi í gær frá því að ofurríkir Bretar búi sig nú undir það að flýja Bretland tafarlaust, verði Corbyn forsætisráðherra. Þannig óttist auðkýfingarnir að þeir tapi milljörðum punda í aðgerðum sem leiðtogi Verkamannaflokksins boðar gegn þeim. Símalínur lögfræðinga áðurnefndra auðkýfinga eru sagðar hafa verið rauðglóandi eftir ræðu Corbyns í liðinni viku. Þeir leiti logandi ljósi að aðstoð við að flytja til „milljarðamæringavænni landa“, færa auð sinn í skattaskjól og greiða börnum sínum út fyrirframgreiddan arf, í ljósi áætlana Corbyns um hækkun erfðafjárskatts. „Frá sjónarhorni þeirra ofurríku er ríkisstjórn Corbyns mun alvarlegri ógn við þau og fyrirtæki þeirra en Brexit,“ segir Dominic Samuelson, framkvæmdastjóri ráðgjafafyrirtækisins Campden Wealth í samtali við Guardian. Bretland Jarðakaup útlendinga Umhverfismál Tengdar fréttir Leggja línurnar fyrir kosningabaráttuna Breskir stjórnmálamenn leggja nú línurnar fyrir kosningar. Hagfræðingur hjá fréttaveitunni Bloomberg segist búast við því að Íhaldsflokkurinn sigri og sigli útgöngunni úr Evrópusambandinu í höfn. 30. október 2019 18:45 Tilgangur Jim Ratcliffe sagður bara einn Breski auðkýfingurinn Jim Ratcliffe vinnur nú að uppbyggingu lax og lífríkis í ám á Norðausturlandi. Talsmaður hans segir Íslendinga ekki þurfa að hafa neinar áhyggjur af fyrirætlunum hans því verkefnið sé bara eitt. Að bjarga laxastofninum á svæðinu. 23. september 2019 22:30 Mest lesið Fékk sex milljónum of há laun og neitaði að endurgreiða þau Innlent Tollar á vörur frá Íslandi verða 15 prósent samkvæmt forsetatilskipun Erlent Sakar sveitastjórann um atvinnuróg og „kæfandi klámhögg“ Innlent Freista þess að hindra að Bandaríkin fargi miklu magni getnaðarvarna Erlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent Áhrifin af stöðvunarkröfunni óveruleg Innlent „Eins og að vera úti á rúmsjó“ í Eyjum annað kvöld Veður Arabaríkin sameinast um afvopnun Hamas og fordæmingu á árásunum 7. október Erlent Varasamar aðstæður fyrir ferðalanga Veður Hlutum kastað til í verslun og könnu í bílrúðu Innlent Fleiri fréttir Arabaríkin sameinast um afvopnun Hamas og fordæmingu á árásunum 7. október Bukele ryður leiðina að einræði í El Salvador Freista þess að hindra að Bandaríkin fargi miklu magni getnaðarvarna Hvatti ríki til að stuðla að stjórnarskiptum í Rússlandi Tollar á vörur frá Íslandi verða 15 prósent samkvæmt forsetatilskipun Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Sjá meira
Jeremy Corbyn, leiðtogi breska Verkamannaflokksins, beindi spjótum sínum að auðkýfingum í fyrstu ræðu sinni í kosningabaráttunni sem nú stendur yfir í Bretlandi. Corbyn minntist sérstaklega á Jim Ratcliffe, ríkasta mann Bretlands og umsvifamikinn landeiganda á Norðausturlandi, í ræðu sinni, sem toppar bresks viðskiptalífs virðast uggandi yfir.Stundin fjallaði um ræðu Corbyn, og hluta hennar sem fjallaði um Ratcliffe, þegar hún var flutt síðastliðinn fimmtudag. Í ræðunni sagðist Corbyn ætla að berjast gegn þeim ofurríku, mönnunum sem stinga undan skatti í „spilltu kerfi“. Þannig myndi hann takast á við þá með nýjum sköttum, mögulegum fjármagnshöftum og skurki í einkaskólakerfinu, sem ali á mismunun.Sjá einnig: Tilgangur Jim Ratcliffe sagður bara einn Corbyn nefndi sérstaklega fimm af ríkustu mönnum Bretlands í ræðu sinni og sagði að ríkisstjórn Verkamannaflokksins myndi herja á þá. Þeir eru Mike Ashley, eigandi íþróttavörurisans Sports Direct og knattspyrnufélagsins Newcastle United, bankamaðurinn Crispin Odey, fjölmiðlamógúllinn Rupert Murdoch, Hugh Grosvenor, hertoginn af Westminster og áðurnefndur Ratcliffe. Þá varpaði Corbyn fram „aðalspurningu komandi kosninga“, sem boðað hefur verið til 12. desember næstkomandi: „Með hverjum heldurðu?“ spurði Corbyn. „Umsvifamiklu umhverfissóðunum á borð við Jim Ratcliffe, ríkasta mann Bretlands, sem þénar peninga sína með því að menga umhverfið? Eða börnunum sem vaxa úr grasi í borgunum okkar með lungnateppu vegna mengunar?“Ræðu Corbyns má horfa á í heild í spilaranum hér að neðan.Eins og áður hefur komið fram er Ratcliffe Íslendingum aðallega kunnur vegna jarðakaupa á Norðausturlandi síðustu ár, í Þistilfirði og Vopnafirði. Þannig er talið að Ratcliffe ásamt viðskiptafélögum sínum eigi rúmt eitt prósent af Íslandi en hann festi nú síðast kaup á jörðinni Brúarlandi 2 í Þistilfirði í sumar í gegnum fjárfestingafélagið Sólarsali hf. Ratcliffe er þó aðallega þekktur utan landssteinanna fyrir að vera stofnandi og forstjóri efnarisans Ineos, sem er umsvifamesta efnafyrirtæki heims ef litið er til heildartekna. Tekjur félagsins námu á síðasta ári 60 milljörðum Bandaríkjadollara, eða tæplega 7400 milljörðum íslenskra króna.Harðlega gagnrýndur fyrir sýn á umhverfismál Corbyn er langt frá því að vera sá eini sem eitthvað hefur við stöðu Ratcliffe í umhverfismálum að athuga. Ratcliffe hefur verið harðlega gagnrýndur í gegnum tíðina fyrir afstöðu sína gagnvart vökvabroti (e. fracking), en það er afar umdeild vinnsla á jarðgasi. Við vökvabrot eru boraðar djúpar holur í jarðlögin, sem ganga síðan langt lárétt eftir að ákveðnu dýpi sem hefur verið náð. Vatni er þá dælt ofan í holurnar til þess að sprengja upp berg og losa um gasbirgðir sem leynast neðanjarðar. Umhverfisverndarsinnar eru margir hverjir harðlega andsnúnir vökvabroti þar sem þeir telja að vatnsból sem hafa að geyma drykkjarvatn geti mengast og orðið ónothæf. Sagði bresk stjórnvöld „aumkunarverð“ Ratcliffe og Ineos höfðu stórar hugmyndir um vökvabrot í Bretlandi fyrir nokkrum misserum en löggjöf Bretlands í þeim efnum hefur reynst Ratcliffe þyrnir í augum. Samkvæmt núverandi reglum þarf að láta af vökvabroti í hvert skipti sem jarðskjálfti af stærðinni 0,5 eða meira á sér stað. Þetta veldur því í raun að lítið sem ekkert vökvabrot getur átt sér stað, þar sem litlir jarðskjálftar fylgja gasvinnslunni. Breska ríkisútvarpið fjallaði um málið í maí á þessu ári. Þar er meðal annars haft eftir Ratcliffe að honum þætti ekki mikið til afstöðu ríkisstjórnarinnar koma. „Mér finnst stjórnvöld hafa verið aumkunarverð þegar kemur að þessu máli. Í alvöru, mér finnst það,“ sagði Ratcliffe meðal annars. Hann sagði reglurnar til komnar vegna þess að ríkisstjórnin hefði hlustað á „afar háværan, en agnarsmáan, minnihluta fólks“ og taldi afstöðu ríkisstjórnarinnar helgast af vanþekkingu. Undirbúa flutninga í unnvörpumBreska dagblaðið Guardian greindi í gær frá því að ofurríkir Bretar búi sig nú undir það að flýja Bretland tafarlaust, verði Corbyn forsætisráðherra. Þannig óttist auðkýfingarnir að þeir tapi milljörðum punda í aðgerðum sem leiðtogi Verkamannaflokksins boðar gegn þeim. Símalínur lögfræðinga áðurnefndra auðkýfinga eru sagðar hafa verið rauðglóandi eftir ræðu Corbyns í liðinni viku. Þeir leiti logandi ljósi að aðstoð við að flytja til „milljarðamæringavænni landa“, færa auð sinn í skattaskjól og greiða börnum sínum út fyrirframgreiddan arf, í ljósi áætlana Corbyns um hækkun erfðafjárskatts. „Frá sjónarhorni þeirra ofurríku er ríkisstjórn Corbyns mun alvarlegri ógn við þau og fyrirtæki þeirra en Brexit,“ segir Dominic Samuelson, framkvæmdastjóri ráðgjafafyrirtækisins Campden Wealth í samtali við Guardian.
Bretland Jarðakaup útlendinga Umhverfismál Tengdar fréttir Leggja línurnar fyrir kosningabaráttuna Breskir stjórnmálamenn leggja nú línurnar fyrir kosningar. Hagfræðingur hjá fréttaveitunni Bloomberg segist búast við því að Íhaldsflokkurinn sigri og sigli útgöngunni úr Evrópusambandinu í höfn. 30. október 2019 18:45 Tilgangur Jim Ratcliffe sagður bara einn Breski auðkýfingurinn Jim Ratcliffe vinnur nú að uppbyggingu lax og lífríkis í ám á Norðausturlandi. Talsmaður hans segir Íslendinga ekki þurfa að hafa neinar áhyggjur af fyrirætlunum hans því verkefnið sé bara eitt. Að bjarga laxastofninum á svæðinu. 23. september 2019 22:30 Mest lesið Fékk sex milljónum of há laun og neitaði að endurgreiða þau Innlent Tollar á vörur frá Íslandi verða 15 prósent samkvæmt forsetatilskipun Erlent Sakar sveitastjórann um atvinnuróg og „kæfandi klámhögg“ Innlent Freista þess að hindra að Bandaríkin fargi miklu magni getnaðarvarna Erlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent Áhrifin af stöðvunarkröfunni óveruleg Innlent „Eins og að vera úti á rúmsjó“ í Eyjum annað kvöld Veður Arabaríkin sameinast um afvopnun Hamas og fordæmingu á árásunum 7. október Erlent Varasamar aðstæður fyrir ferðalanga Veður Hlutum kastað til í verslun og könnu í bílrúðu Innlent Fleiri fréttir Arabaríkin sameinast um afvopnun Hamas og fordæmingu á árásunum 7. október Bukele ryður leiðina að einræði í El Salvador Freista þess að hindra að Bandaríkin fargi miklu magni getnaðarvarna Hvatti ríki til að stuðla að stjórnarskiptum í Rússlandi Tollar á vörur frá Íslandi verða 15 prósent samkvæmt forsetatilskipun Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Sjá meira
Leggja línurnar fyrir kosningabaráttuna Breskir stjórnmálamenn leggja nú línurnar fyrir kosningar. Hagfræðingur hjá fréttaveitunni Bloomberg segist búast við því að Íhaldsflokkurinn sigri og sigli útgöngunni úr Evrópusambandinu í höfn. 30. október 2019 18:45
Tilgangur Jim Ratcliffe sagður bara einn Breski auðkýfingurinn Jim Ratcliffe vinnur nú að uppbyggingu lax og lífríkis í ám á Norðausturlandi. Talsmaður hans segir Íslendinga ekki þurfa að hafa neinar áhyggjur af fyrirætlunum hans því verkefnið sé bara eitt. Að bjarga laxastofninum á svæðinu. 23. september 2019 22:30