Lífið

Saumaði WEDDING DRESS aftan á kjól Hailey Bieber

Sylvía Rut Sigfúsdóttir skrifar
Hailey Bieber tók þátt í að hanna eigin brúðarkjól.
Hailey Bieber tók þátt í að hanna eigin brúðarkjól. Skjáskot/Vísir
Að minnsta kosti 20 einstaklingar komu að því að gera brúðarkjól Hailey Bieber og tók ár að búa hann til. Í myndbandi frá Vogue er sagt frá vinnunni á bakvið kjólinn og sýnt frá lokamátun hennar fyrir stóra daginn. Kjólinn var hannaður af Virgil Abloh fyrir Off-White og saumaður í Mílanó á Ítalíu



Í myndbandinu segir hönnuðurinn að það hafi haft áhrif á hönnunarferlið hversu vel hann þekkir persónuleika brúðarinnar.



„Ég hef gert marga kjóla fyrir sérstök tilefni áður en þetta er sá fyrsti fyrir brúðkaup, sérstaklega fyrir náin vin.“



Abloh segir að hann hafi viljað gera kjólinn hefðbundinn en samt líka skemmtilegan og unglegan. Það mikilvægasta hafi verið að sýna konuna sem hún er. Í myndbandi Vogue kemur fram að tíu einstaklingar hafi komið að því að gera kjólinn og að minnsta kosti tíu til viðbótar hafi gert brúðarslörið.

Skjáskot/Youtube
Flogið var með kjólinn til Los Angeles til þess að brúðurin gæti mátað hann og fékk Vogue að vera með í lokamátuninni. Þar kemur fram að Hailey Bieber hafi alls ekki viljað láta brúðarkjólahönnuð hanna sinn kjól, hún hafði ákveðnar hugmyndir og tókst hönnuðinum algjörlega að láta þær verða að veruleika.



„Þetta er fullkomið,“ sagði brúðurin þegar hún mátaði kjólinn sinn. Kjóll Bieber er langt frá því að vera hefðbundinn. Aftan á kjólnum er saumað brúðarkjóll eða „WEDDING DRESS“ með fíngerðum perlum. Á nokkrum stöðum má einnig finna lógó Off-White saumað í kjólinn. Eins og komið hefur fram á Vísi var svo saumað „Þar til dauðinn aðskilur okkur“ á sjalið.

Skjáskot/Youtube
Myndir af brjúðhjónunum á stóra daginn má finna hér á Vísi. Hér að neðan má svo sjá myndband Vogue um kjólinn.

Tengd skjöl


Tengdar fréttir

Justin Bieber birtir fyrstu myndirnar úr brúðkaupinu

Kanadíski poppprinsinn Justin Bieber og fyrirsætan Hailey Baldwin trúlofuðu sig á Bahamaeyjum síðasta sumar og gengu síðan í það heilaga í september á síðasta ári með leynilegri athöfn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.