Slökkvilið, sjúkraflutningamenn og lögregla voru kölluð vegna umferðarslyss á veginum um Meðalfell í Kjós.

Útkallið barst nú á öðrum tímanum og voru viðbragðsaðilar sendir frá Reykjavík. Samkvæmt upplýsingum fréttastofu er um að ræða bílveltu og var ökumaðurinn einn í bílnum.

Samkvæmt upplýsingum frá varðstjóra hjá Slökkviliði höfuðborgarsvæðisins liggja upplýsingar um meiðsli ekki fyrir en ökumaðurinn var kominn út úr bílnum.