Wijnaldum afgreiddi Hvíta-Rússland | Markaveisla hjá Skotum

Hollendingar unnu nauman en mikilvægan sigur á Hvíta-Rússlandi á útivelli í kvöld er liðin mættust í C-riðli undankeppni EM 2020.

Bæði mörk Hollands skoraði Liverpool-maðurinn, Georginio Wijnaldum, en mörkin skoraði hann á 32. mínútu og svo á 41. mínútu.

Heimamenn minnkuðu muninn í síðari hálfleik en mikilvægur sigur Hollendinga. Þeir eru með 15 stig en Þýskaland og Norður-Írland eru sæti neðar bæði með tólf stig.

Þýskaland mætir Eistlandi síðar í kvöld og getur komist upp að hlið Hollands með sigri í kvöld en mikil spenna er í C-riðlinum.

2 – Georginio Wijnaldum has scored a brace for @OnsOranje for the first time ever and has now scored four goals in his last four games for the Netherlands. Gorgeous. pic.twitter.com/Hyuw19zWWb

— OptaJohan (@OptaJohan) October 13, 2019

Skotar voru í stuði gegn San Marínó á heimavelli en þeir skosku unnu 6-0 sigur á smáríkinu í kvöld.

John McGinn skoraði þrjú mörk í fyrri hálfleik og þeir Lawrence Shankland, Stuart Findlay og Stuart Armstrong bættu við einu marki hver í síðari hálfleik.

Í sama riðli unnu Rússar 3-0 sigur á Kýpur en Belgar eru á toppi riðilsins með 24 stig. Rússarnir eru í 2. sætinu með 21, Kýpur í þriðja með tíu og Skotland í fjórða með níu.

1952 - John McGinn has become the first player to score a first-half hat-trick for Scotland since Lawrie Reilly against USA in a friendly in April 1952, 67 years and 166 days ago. Gap. pic.twitter.com/DUBQGjRzA0

— OptaJoe (@OptaJoe) October 13, 2019

Öll úrslit dagsins:

C-riðill:

Hvíta-Rússland - Holland 1-2

18.45 Eistland - Þýskaland

E-riðill:

Ungverjaland - Aserbaídsjan 1-0

18.45 Wales - Króatía

G-riðill:

18.45 Pólland - Norður Makedónía

18.45 Slóvenía - Austurríki

I-riðill:

Kazakstan - Belgía 0-2

Kýpur - Rússland 0-4

Skotland - San Marínó 6-0