Yfirgefin og ómerkt taska í Leifsstöð á borði lögreglu
Flugstöðvardeild lögreglunnar á Suðurnesjum fann fyrr í þessari viku tösku fulla af þýfi. Taskan hafði verið skilin eftir í flugstöðinni og segir lögregla eigandann vera farinn af landi brott. Þetta kemur fram í tilkynningu frá lögreglunni.
Lögreglunni hafði borist tilkynning um að ómerkt ferðataska hefði verið skilin eftir. Taskan var opnuð með það fyrir augum að bera kennsl á eiganda hennar.
Þegar taskan var síðan opnuð vaknaði grunur um að innihald hennar væri að mestu leyti þýfi. Við nánari skoðun kom síðan í ljós hver eigandi töskunnar var og að hann væri farinn úr landi. Lögregla vinnur nú að lausn málsins.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
