Lögreglan á Suðurnesjum handtók þrjá einstaklinga eftir húsleit í húsnæði í umdæminu um síðustu helgi.



Í tilkynningu frá lögreglunni segir að lögreglumenn hafi fundið þrjá poka af meintu kókaíni, sveðju og þrjá hnífa.



„Húsráðandi játaði eign sína á efnum og vopnum afsalaði sér þeim til lögreglu,“ segir í tilkynningunni.



Í póstinum minnir lögreglan á fíkniefnasímann 800-5005 en í hann má hringja til að koma á framfæri nafnlausum upplýsingum um fíkniefnamál.