Enska götublaðið Mirror greinir frá því á vef sínum í dag að David Moyes sé tilbúinn í endurkomu í enska boltann og stjórastarfið hjá Everton heilli hann.



Moyes yfirgaf Everton árið 2013 og tók þá við Manchester United eftir ellefu ára starf hjá þeim bláklæddu. Hann dugði þó einungis í tíu mánuði hjá United.



Samkvæmt heimildum Mirror hefur Moyes áuhga á starfinu hjá Everton sem og öðrum í úrvalsdeildinni en hann neitað tilboðum frá liðum í ensku B og C-deildunum.

David Moyes open to Everton return as pressure increases on struggling boss Marco Silva | @DiscoMirrorhttps://t.co/nEeRf9B0khpic.twitter.com/5ak6S7rIX5

— Mirror Football (@MirrorFootball) October 8, 2019

Hann er líklegastur til að taka við Everton sem hefur byrjað illa og er í fallsæti þegar átta umferðir eru búnar af enska boltanum.



Moyes kom Everton í forkeppni Meistaradeildarinnar á tíma sínum hjá félaginu og er talinn í miklum metum hjá forráðamönnum félagsins.



Marco Silva er líklegasti stjórinn í úrvalsdeildinni til þess að vera rekinn og sagt er að hann fái lokatilraun gegn West Ham þann 19. október.