Átti að fá fangelsisdóm fyrir að laumast á völlinn og kveikti því í sér
Írönsk kona, sem reyndi að lauma sér á knattspyrnuleik þar í landi sem karlmaður, brást afar illa við er hún komst að því að líklega fengi hún fangelsisdóm fyrir athæfið.
Þá gekk hún út úr dómshúsinu og kveikti í sér. Hún lifði af en lést nokkrum dögum síðar af sárum sínum. Konan hét Sahar Khodayari og var 29 ára gömul.
Hún var handtekinn er hún var að reyna að komast á leik í heimalandinu og fékk að dúsa í steininum næstu þrjá dagana. Er hún var að sækja eigur sínar heyrði hún að líklega fengi hún sex mánaða dóm fyrir þetta brot. Ekki löngu síðar hafði hún kveikt í sér.
Konum hefur verið meinaður aðgangur að knattspyrnuvöllum í Íran síðan árið 1979. Alþjóða knattspyrnusambandið hefur reynt að fá Írani til þess að aflétta banninu og stefndi að því að fá því hnekkt fyrir 10. október er Íran spilar sinn fyrsta heimaleik í undankeppni HM.
Tengdar fréttir
Forseti FIFA segir Írönum að leyfa konum að mæta á fótboltaleiki
Gianni Infantino beitir sér fyrir því að konur í Íran fái að mæta á fótboltaleiki.
Neituðu að sýna leikinn í sjónvarpinu þar sem kona var að dæma
Ríkissjónvarpið í Íran er harðlega gagnrýnt í dag enda neitaði sjónvarpsstöðin að sýna frá leik í þýsku úrvalsdeildinni þar sem kona var að dæma.
Óttast að konur verði graðar á að horfa á karlmenn í fótbolta
Karlarnir í Íran eru ekki enn farnir að leyfa konum að horfa á fótboltaleiki þar í landi þó svo þeir þykist vera að stíga skref í rétta átt.
