Sandra María Jessen hóf leik á varamannabekknum þegar Bayer Leverkusen heimsótti Bayern Munchen í þýsku úrvalsdeildinni í fótbolta í dag.



Staðan í leikhléi var 1-2 fyrir Leverkusen og Sandra María kom inn af bekknum á 70.mínútu. Hún hjálpaði liði sínu að sigla óvæntum sigri í hús. Lokatölur 1-2.



Á sama tíma voru Sara Björk Gunnarsdóttir og stöllur hennar í Wolfsburg með Hoffenheim í heimsókn. Öruggur 3-0 sigur Wolfsburg varð niðurstaðan þar en Sara Björk spilaði síðustu tólf mínútur leiksins.



Wolfsburg með fullt hús stiga eftir þrjár umferðir en Sandra María og stöllur hennar í Leverkusen með sex stig.