Innlent

Bein útsending: Kvöldfréttir Stöðvar 2

Sunna Sæmundsdóttir skrifar

Dómsmálaráðherra segir ástandið innan lögreglunnar óviðunandi og boðar skoðun á lögreglumálum. Ráðherra fundaði með ríkislögreglustjóra í dag en segir að möguleg starfslok hans hafi ekki verið rædd. Málið sé þó til skoðunar. Ríkislögreglustjóri dregur úr orðum sínum um meinta spillingu innan lögreglunnar.

Fjallað verður nánar um málið í kvöldfréttum Stöðvar 2.

Rætt verður við móður langt leidds fíkils sem gagnrýnir úrræðaleysi í kerfinu. Hún hefur neyðst til að kaupa fyrir hann lyf á svörtum markaði til þess að ráða við fráhvarfseinkenni. Hann hefur fengið pláss inni á Vogi eftir tæpar tvær vikur en hún óttast að það gæti verið of seint.

Einnig verður fylgst með umræðum á Alþingi í dag og rætt við sérfræðinga um þjóðaröryggismál sem segja að kortleggja þurfi stöðuna hér á landi varðandi falsfréttir. Þær séu í sífellt meira mæli notaðar til að hafa áhrif á afstöðu fólks og kosningar.

Þá verður fjallað um árásirnar á olíuvinnslustöðvar í Sádi-Arabíu sem hafa leitt til verðhækkana á olíu og við verðum í beinni útsendingu frá Bíó Paradís, þar sem Amnesty International mun verðlauna ungmenni fyrir baráttu sína í loftslagsmálum.

Þetta og margt fleira á samtengdum rásum Bylgjunnar, Stöðvar 2 og Vísis klukkan 18:30.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.