Fótbolti

Eigandi Louis Vuitton og næst ríkasti maður heims vill kaupa AC Milan

Anton Ingi Leifsson skrifar
Bernard Arnault.
Bernard Arnault. vísir/getty

Bernard Arnault, eigandi tískufyrirtækisins Louis Vuitton og næst ríkasti maður heims, vill eignast ítalska stórliðið AC Milan.

Daily Mail greinir frá þessu en ítalska félagið er nú í eigu Elliot Management. Arnault er þó talinn viljugur til að eyða eitthvað af sínum 86 billjónum í félagið.

Elliot eignaðist félagið árið 2017 og hefur nú þegar hafnað tilboðum sem hljópa upp á 500 til 700 milljónir punda en tilboð Arnault er talið hljóða upp á 890 milljónir punda.





Auk þess að eiga Louis Vuitton á hann snyrtivörufyrirtækið Sephora sem og kampavínið Don Perignon sem er eitt dýrasta kampavín gerð í heimi.

Hann vill gera AC Milan á nýjan leik að einu besta liði heims en þeir eru nú þegar á leið á nýjan völl svo ólíklegt er að Elliot vilji selja félagið á þessum tímapunkti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.