Lífið

Komin alvara í samband Miley og Kaitlynn

Sylvía Hall skrifar
Miley og Kaitlynn í siglingu á Como-vatni á Ítalíu.
Miley og Kaitlynn í siglingu á Como-vatni á Ítalíu. Skjáskot/Instagram

Aðeins nokkrum klukkustundum eftir að Miley Cyrus og leikarinn Liam Hemsworth staðfestu skilnað sinn með yfirlýsingu til fjölmiðla sást til söngkonunnar með nýrri dömu á Ítalíu. Umrædd dama var hin þrítuga Kaitlynn Carter sem er sjálf nýskilin við fyrrum eiginmann sinn Brody Jenner, eldri bróður Kardashian systranna Kendall og Kylie.

Sjá einnig: Miley Cyrus nýtur lífsins með nýrri dömu á Ítalíu

Samband þeirra vakti um leið mikla athygli en kom þó ekki mörgum á óvart. Miley hefur tjáð sig opinskátt um kynhneigð sína í gegnum tíðina og sagt að hún sé pankynhneigð, það hafi aldrei breyst þó svo að hún hafi verið í sambandi með karlmanni í langan tíma. Hún laðist því að fólki óháð kyni.

Nú virðist alvara vera komin í sambandið en þær sáust snæða hádegismat með Tish Cyrus, móður Miley, í síðustu viku. Um helgina voru þær óaðskiljanlegar á næturklúbbnum Soho House í Hollywood og sögðu sjónarvottar þær bersýnilega vera kærustupar.

Mikið hefur verið fjallað um skilnað Miley og Hemsworth í fjölmiðlum vestanhafs en þau gengu óvænt í það heilaga í desember á síðasta ári eftir að hafa verið saman með hléum frá árinu 2008.

Að sögn heimildarmanna sem þekkja parið er sambandinu endanlega lokið núna, en í nýjasta lagi sínu „Slide Away“ virðist Miley gera upp skilnaðinn og ástæður hans. Þar syngur hún um að hafa viljað eiga hús í hæðunum en ekki „viskí og pillur“, sem margir segja vera tilvísun í vímuefnanotkun leikarans. Eftir útgáfu lagsins stigu vinir leikarans fram og sögðu allt tal um vímuefnanotkun ranga, það sem hafi raunverulega gert út um sambandið var að Miley hafi verið leikaranum ótrú.

Þá segir einnig í texta lagsins: „Haltu áfram, við erum ekki enn þá sautján ára. Ég er ekki sú sem ég var. Þú segir allt hafa breyst. Það er rétt, við erum fullorðin núna.“


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.