Innlent

Þorbergur fyrstur í mark í Laugavegshlaupinu

Kristín Ólafsdóttir skrifar
Þorbergur kemur hér í mark í Þórsmörk nú á öðrum tímanum.
Þorbergur kemur hér í mark í Þórsmörk nú á öðrum tímanum. Mynd/Laugavegur Ultra marathon

Hlaupagarpurinn Þorbergur Ingi Jónsson kom fyrstur í mark í Laugavegshlaupinu á tímanum 04:32:15 nú um klukkan hálf tvö. Annar í mark var Örvar Steingrímsson á tímanum 04:44:39, eða rúmum tólf mínútum á eftir Þorbergi.



Tími Þorbergs, sem á brautarmetið, er ellefti besti tími í Laugavegshlaupinu frá upphafi, samkvæmt upplýsingum frá skipuleggjendum. Gert er ráð fyrir að aðrir keppendur tínist nú í mark fram eftir degi en Anna Berglind Pálmadóttir er fremst í kvennaflokki þegar þetta er ritað.



Laugavegshlaupið er 55 kílómetrar en um 520 manns hlupu af stað við rásmarkið í Landmannalaugum í morgun. Hér er hægt að fylgjast með úrslitum í hlaupinu í rauntíma.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×