Hraðamælingar á Hringbraut: Á einni klukkustund óku 92 ökumenn af 322 of hratt
Lögregluna á höfuðborgarsvæðinu grunar að ekki hafi ekki allir áttað sig á lækkuðum hámarkshraða á Hringbraut en lögreglustjórinn á höfuðborgarsvæðinu ákvað að fengnum tillögum umhverfis- og skipulagssviðs Reykjavíkurborgar að lækka hámarkshraða meðal annars á Hringbraut niður í 40 km/klst til að stuðla að auknu umferðaröryggi. Lögreglustjórinn staðfesti lækkunina 6. apríl síðastliðinn.
Lögreglan á höfuðborgarsvæðinu hefur undanfarna daga verið við hraðamælingar á Hringbraut, vegkaflanum á milli Sæmundargötu og Ánanausta. Lögreglan stóðu vaktina eftir hádegi í gær en á einni klukkustund óku 92 ökumenn af 322 of hratt. Meðalhraði hinna brotlegu var 54 km/klst. Sá sem hraðast ók mældist 70 km/klst.
Umferðaröryggi við Hringbraut komst í hámæli eftir að keyrt var á 13 ára stúlku í byrjun árs. Íbúar í Vesturbænum létu í ljós áhyggjur sínar í kjölfarið og kröfðust umbóta.
Tengdar fréttir
Lögreglan myndaði brot 176 ökumanna á tveimur klukkustundum
Lögreglan á höfuðborgarsvæðinu hefur á tveimur dögum myndað brot 176 ökumanna sem óku of hratt um Hringbraut vestan við læk.
Ökumaður á rauðu ljósi ók á barn rétt hjá hinum slysstaðnum á Hringbraut
Lækkun hámarkshraða hefur þegar tekið gildi á Hringbraut en ekki verður hægt að framfylgja lækkuninni fyrr en merkingar verða settar upp í maí.
Hámarkshraði lækkaður víða í Vesturbænum
Sigríður Björk Guðjónsdóttir, lögreglustjórinn á höfuðborgarsvæðinu, hefur staðfest lækkun hámarkshraða á Hringbraut, Hofsvallagötu, Birkimel, Hagatorgi og víðar í Vesturbænum.
