Sjö vilja verða þjóðleikhússtjórar samkvæmt upplýsingum frá Mennta- og menningarmálaráðuneytinu. Meðal umsækjenda er Ari Matthíasson þjóðleikhússtjóri.
Starfið var auglýst laust til umsóknar 10. maí síðastliðinn en umsóknarfrestur rann út í upphafi þessa mánaðar.
Sjö umsóknir bárust, fjórar konur og þrír karlar sækja um starfið, eins og fram kemur í tilkynningu frá ráðuneytinu:
Ari Matthíasson, þjóðleikhússtjóri
Brynhildur Guðjónsdóttir, leikari og leikstjóri
Guðbjörg Gústafsdóttir
Kolbrún K. Halldórsdóttir, leikstjóri
Kristín Eysteinsdóttir, leikhússtjóri Borgarleikhússins
Magnús Geir Þórðarson, útvarpsstjóri
Stefán Sturla Sigurjónsson, verkefnastjóri, leikari og rithöfundur.
Skipað verður í embætti þjóðleikhússtjóra frá og með 1. janúar 2020. Vísir hefur fjallað nokkuð um hugsanlegar vendingar í leikhúsinu og baráttu þar bak við tjöldin. Hefur meðal annars sagt frá því að auk Ara hafi þau Magnús Geir, Kristín, Kolbrún og Brynhildur sótt um.
Sjö vilja verða þjóðleikhússtjórar
Tengdar fréttir
Magnús Geir sækir um starf Þjóðleikhússtjóra
Magnús Geir Þórðarson útvarpsstjóri hefur ákveðið að sækja um starf Þjóðleikhússtjóra. Þetta tilkynnti Magnús Geir samstarfsfólki sínu í Efstaleitinu í morgun.
Þjóðleikhúsráð segir af sér
Allir fulltrúar í ráðinu sammæltust um að segja af sér til að hafið sé yfir allan vafa um mögulegt vanhæfi.
Næsta víst að Brynhildur sæki um stöðu þjóðleikhússtjóra
Segir að ef staðan er auglýst hljóti hún að vera laus.
Embætti þjóðleikhússtjóra laust til umsóknar
Í auglýsingunni er leitað eftir einstaklingi með umfangsmikla stjórnunarreynslu, leiðtoga- og samskiptahæfni, reynslu af stefnumótunarvinnu og hæfileika til nýsköpunar. Þekking og reynsla af stjórnsýslu, fjármálum og rekstri er einnig mikilvæg sem og góð kunnátta í íslensku, ensku og einu Norðurlandamáli.
Kristín Eysteins blandar sér í baráttuna um Þjóðleikhússtjórastólinn
Kristín Eysteinsdóttir Borgarleikhússtjóri hefur ákveðið að sækja um starf Þjóðleikhússtjóra.
