Súld fyrir norðan en þurrt sunnan heiða
Aftur verður fínasta veður á stærsta hluta landsins en líkt og í gær verður þurrt og bjart sunnan heiða með hita að 20 stigum þegar best lætur en jafnvel rétt rúmlega það. Þetta kemur fram í hugleiðingum veðurfræðings.
Hins vegar sést þegar litið er til veðurspár fyrir norðurhluta landsins að þar er aðra sögu að segja. Úrkomusvæði nálgast úr norðri og má búast við súld eða dálítilli rigningu norðaustanlands sérstaklega en síðar einnig á norðvestur landi. Hiti á þeim slóðum ætti að vera í kringum 6-12 stig.
Á morgun ættu hitatölurnar að vera jafnari yfir landið allt, skýjað verður að mestu á landinu og skúrir líklegir um land allt en hitinn ætti að mælast hæstur á Suðvesturlandi.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
