Brasilíumaðurinn Neymar mætti ekki á æfingu hjá Paris Saint-Germain í dag eins og hann átti að gera. 



Undirbúningstímabilið hófst formlega hjá PSG í dag en Neymar lét ekki sjá sig.



PSG sendi frá sér yfirlýsingu vegna fjarveru Neymars. Félagið sagðist harma að hann skildi hafa skrópað á æfingunni og að gripið yrði til viðeigandi ráðastafana.

Club statement - Neymar Jr



https://t.co/4b7RnN0qlepic.twitter.com/f0AJIX9qLf

— Paris Saint-Germain (@PSG_English) July 8, 2019

Neymar hefur verið sterklega orðaður við sitt gamla félag, Barcelona, í sumar. PSG keypti Brassann frá Barcelona fyrir 200 milljónir punda fyrir tveimur árum. Hann er dýrasti fótboltamaður allra tíma.



Neymar missti af Suður-Ameríkukeppninni þar sem Brassar stóðu uppi sem sigurvegarar, í fyrsta sinn síðan 2007.



Neymar var frá vegna meiðsla í nokkra mánuði á síðasta tímabili og nældi sér svo í þriggja leikja bann, bæði í Frakklandi og í Evrópuleikjum.



PSG varð franskur meistari annað árið í röð á síðasta tímabili.