Slagsmál, stympingar og fíkniefni
Nokkur erill var hjá lögreglu í gærkvöldi og nótt vegna skemmtanahalds en flest mál voru þó leyst nokkuð farsællega og einungis sex gista í fangaklefa, að því er fram kemur í dagbók lögreglu.
Óvenju mikið var um minniháttar slagsmál og stympingar í miðbænum er líða fór á nóttina.
Secret Solstice hefur að sögn lögreglu farið vel fram en alls komu upp 18 fíkniefnamál, það fyrsta strax um klukkan 16 síðdegis í gær og svo jafnt og þétt á meðan hátíðinni stóð. Um var að ræða bæði kannabisefni og örvandi efni.
Sex ökumenn voru handteknir grunaðir um akstur undir áhrifum fíkniefna og aðrir fimm voru handteknir fyrir ölvunarakstur.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
