Veðrið ekki alveg í takt við langtímaspá Einars sem boðaði bleytu í sumar Birgir Olgeirsson skrifar 12. júní 2019 14:28 Einar Sveinbjörnsson veðurfræðingur. Myndin er samsett. Það stefnir í met sólskinsstunda í Reykjavík í júní mánuði ef fram fer sem horfir. Það sem af er júní mánuði eru sólskinsstundirnar 171,3, eða 8,3 stundum meira en mest hefur áður mælst sömu daga árið 1924.Þessi staðreyndin gerir langtímaveðurspá Einar Sveinbjörnssonar veðurfræðings frá því í maí nokkuð athyglisverða en hann brást ekki illa við því þegar Vísir bar hana undir hann í dag. Í langtímaveðurspá Einars var gert ráð fyrir að veðurlag sumarsins myndi einkennast af þokkalegum hlýindum en Einar spáði hins vegar fyrir meiri úrkomu að jafnaði í þessari þriggja mánaða spá sem náði yfir júní, júlí og ágúst. Bjartviðri hefur hins vegar verið víðs vegar um landið það sem af er sumri.Sumarið byrjar ekki í takt við spána „Þessi spá sem þú vísar í er byggð á gögnum sem ég las úr fyrir júní, júlí og ágúst. Þau bentu eindregið til að það yrði hlýtt í heildina en heldur meiri bleyta en venjan er um norðvestanvert landið,“ segir Einar. Hann bendir reyndar að í dag sé 12. júní og því er ekki einn sjötti liðinn af þessu tímabili sem hann spáði fyrir um. „En tímabilið byrjar vissulega þannig að það er ekki í tak við spána,“ segir Einar. Tekur hann fram að þessar langtímaspár eru meira settar fram til gaman heldur en alvöru. „Það er ekki hægt að treysta langtímaspám á sama hátt og maður getur treyst tveggja til þriggja daga spánni,“ segir Einar. Eru langtímaspár byggðar á vangaveltum um frávik í yfirborðshita sjávar og hafís og hvernig það getur mögulega haft áhrif á loftstraumana í kringum landið. „Stundum sér maður ekkert út úr þessum spám en það sem sást í þessum gögnum fyrir sumarið er ekkert í líkingu við það sem við höfum verið að sjá í veðrinu að undanförnu. Það hefur verið mjög hár loftþrýstingur yfir Íslandi frá því í byrjun maí, vel yfir meðallagi,“ segir Einar en háum loftþrýstingi á vorin fylgja margar sólskinsstundir og minni úrkoma.Fyrirstöðuhæðin öðruvísi í ár Það sem veldur þessu er svokölluð fyrirstöðuhæð sem hefur myndast nærri landinu og haldið kyrr fyrir, og þá frekar yfir Grænlandi. Í fyrra voru einnig fyrirstöðuhæðir en þær voru þá meira yfir Bretlandseyjum og Skandinavíu. Ísland var vestan megin við fyrirstöðuhæðina sem varð þess valdandi að ríkjandi vestanvindar færðu lægðir til Íslands. „Sumpart er þetta tilviljun og aðrir þættir sem við áttum okkur ekki sem stýra þessu. Við þekkjum ekki alltaf orsakasamhengið.“ Margir hafa talað um sumarið í fyrra sem rigningasumarið mikla en Einar segir það ekki hafa verið svo. Óþurrkar og kuldi voru ríkjandi framan af á Suðurlandi en bændur náðu þó ágætum heyjum. Það rigndi ekki heldur upp á hvern einasta daga líkt og gerði þegar rigningarsumur stóðu yfir í gamla daga.Gæti dregið til tíðinda í kringum sumarsólstöður Í ár hefur sumarið boðið upp á bjartviðri víða um land en mögulega síst á Norðausturlandi þar sem var mikil veðurblíða í fyrra. Sumarið hefur ekki verið neitt sérlega hlýtt framan af þó svo það hafi verið bjart. Heldur hefur kólnað á nóttunni og næturfrost tíð. Næstu fimm til sex eru horfur á þann veg að háþrýstisvæðið verður enn viðloðandi landið með tilheyrandi bjartviðri en um sumarsólstöðurnar upp úr 20. júní gæti veðrið skipt um gír. Veður Mest lesið Losnar fyrr og fær ekki að koma aftur í 30 ár Innlent Íslendingur dæmdur í þrettán ára fangelsi í Rússlandi Erlent Kallar eftir náðun Kouranis og brottvísun strax á morgun Innlent Tvíburarnir fengu ár í viðbót Innlent Kallaði eftir aftöku heimilislauss fólks: „Drepa þau bara“ Erlent NATO og Rússland „augljóslega“ í stríði Erlent Tinder-svindlarinn handtekinn í Georgíu Erlent Veit um fjögur sjálfsvíg tengd gervigreind Innlent Ingvar aftur kominn í leyfi frá þingstörfum Innlent Loka fyrir heitt vatn vegna leka á Bústaðavegi Innlent Fleiri fréttir Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Veit um fjögur sjálfsvíg tengd gervigreind Enn deilt um sameiningu: „Í raun sé verið að leggja niður Háskólann á Akureyri“ Vill drónavarnir á Íslandi Fannar bæjarstjóri kveður Grindavík Sundlauginni í Reykholti í Bláskógabyggð lokað í eitt ár Sjá meira
Það stefnir í met sólskinsstunda í Reykjavík í júní mánuði ef fram fer sem horfir. Það sem af er júní mánuði eru sólskinsstundirnar 171,3, eða 8,3 stundum meira en mest hefur áður mælst sömu daga árið 1924.Þessi staðreyndin gerir langtímaveðurspá Einar Sveinbjörnssonar veðurfræðings frá því í maí nokkuð athyglisverða en hann brást ekki illa við því þegar Vísir bar hana undir hann í dag. Í langtímaveðurspá Einars var gert ráð fyrir að veðurlag sumarsins myndi einkennast af þokkalegum hlýindum en Einar spáði hins vegar fyrir meiri úrkomu að jafnaði í þessari þriggja mánaða spá sem náði yfir júní, júlí og ágúst. Bjartviðri hefur hins vegar verið víðs vegar um landið það sem af er sumri.Sumarið byrjar ekki í takt við spána „Þessi spá sem þú vísar í er byggð á gögnum sem ég las úr fyrir júní, júlí og ágúst. Þau bentu eindregið til að það yrði hlýtt í heildina en heldur meiri bleyta en venjan er um norðvestanvert landið,“ segir Einar. Hann bendir reyndar að í dag sé 12. júní og því er ekki einn sjötti liðinn af þessu tímabili sem hann spáði fyrir um. „En tímabilið byrjar vissulega þannig að það er ekki í tak við spána,“ segir Einar. Tekur hann fram að þessar langtímaspár eru meira settar fram til gaman heldur en alvöru. „Það er ekki hægt að treysta langtímaspám á sama hátt og maður getur treyst tveggja til þriggja daga spánni,“ segir Einar. Eru langtímaspár byggðar á vangaveltum um frávik í yfirborðshita sjávar og hafís og hvernig það getur mögulega haft áhrif á loftstraumana í kringum landið. „Stundum sér maður ekkert út úr þessum spám en það sem sást í þessum gögnum fyrir sumarið er ekkert í líkingu við það sem við höfum verið að sjá í veðrinu að undanförnu. Það hefur verið mjög hár loftþrýstingur yfir Íslandi frá því í byrjun maí, vel yfir meðallagi,“ segir Einar en háum loftþrýstingi á vorin fylgja margar sólskinsstundir og minni úrkoma.Fyrirstöðuhæðin öðruvísi í ár Það sem veldur þessu er svokölluð fyrirstöðuhæð sem hefur myndast nærri landinu og haldið kyrr fyrir, og þá frekar yfir Grænlandi. Í fyrra voru einnig fyrirstöðuhæðir en þær voru þá meira yfir Bretlandseyjum og Skandinavíu. Ísland var vestan megin við fyrirstöðuhæðina sem varð þess valdandi að ríkjandi vestanvindar færðu lægðir til Íslands. „Sumpart er þetta tilviljun og aðrir þættir sem við áttum okkur ekki sem stýra þessu. Við þekkjum ekki alltaf orsakasamhengið.“ Margir hafa talað um sumarið í fyrra sem rigningasumarið mikla en Einar segir það ekki hafa verið svo. Óþurrkar og kuldi voru ríkjandi framan af á Suðurlandi en bændur náðu þó ágætum heyjum. Það rigndi ekki heldur upp á hvern einasta daga líkt og gerði þegar rigningarsumur stóðu yfir í gamla daga.Gæti dregið til tíðinda í kringum sumarsólstöður Í ár hefur sumarið boðið upp á bjartviðri víða um land en mögulega síst á Norðausturlandi þar sem var mikil veðurblíða í fyrra. Sumarið hefur ekki verið neitt sérlega hlýtt framan af þó svo það hafi verið bjart. Heldur hefur kólnað á nóttunni og næturfrost tíð. Næstu fimm til sex eru horfur á þann veg að háþrýstisvæðið verður enn viðloðandi landið með tilheyrandi bjartviðri en um sumarsólstöðurnar upp úr 20. júní gæti veðrið skipt um gír.
Veður Mest lesið Losnar fyrr og fær ekki að koma aftur í 30 ár Innlent Íslendingur dæmdur í þrettán ára fangelsi í Rússlandi Erlent Kallar eftir náðun Kouranis og brottvísun strax á morgun Innlent Tvíburarnir fengu ár í viðbót Innlent Kallaði eftir aftöku heimilislauss fólks: „Drepa þau bara“ Erlent NATO og Rússland „augljóslega“ í stríði Erlent Tinder-svindlarinn handtekinn í Georgíu Erlent Veit um fjögur sjálfsvíg tengd gervigreind Innlent Ingvar aftur kominn í leyfi frá þingstörfum Innlent Loka fyrir heitt vatn vegna leka á Bústaðavegi Innlent Fleiri fréttir Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Veit um fjögur sjálfsvíg tengd gervigreind Enn deilt um sameiningu: „Í raun sé verið að leggja niður Háskólann á Akureyri“ Vill drónavarnir á Íslandi Fannar bæjarstjóri kveður Grindavík Sundlauginni í Reykholti í Bláskógabyggð lokað í eitt ár Sjá meira