Fimm breytingar á milli leikja | Áslaug Munda í byrjunarliðinu í fyrsta sinn

Jón Þór Hauksson, þjálfari íslenska kvennalandsliðsins í fótbolta, gerir fimm breytingar á byrjunarliði Íslands fyrir seinni vináttulandsleikinn gegn Finnlandi.

Byrjunarlið okkar í seinni vináttuleiknum gegn Finnlandi.

Leikurinn hefst kl. 15:30 að íslenskum tíma og verður í beinni útsendingu á Youtube rás KSÍ.https://t.co/Z9kFSKTSUu

Fátt betra en landsleikur á Þjóðhátíðardaginn okkar!#LeiðinTilEnglands#dottirpic.twitter.com/R6tn6L6Wrq

— Knattspyrnusambandið (@footballiceland) June 17, 2019

Inn koma Guðbjörg Gunnarsdóttir, Ásta Eir Árnadóttir, Hlín Eiríksdóttir, Berglind Björg Þorvaldsdóttir og Áslaug Munda Gunnlaugsdóttir. Sú síðastnefnda er í byrjunarliði landsliðsins í fyrsta sinn.

Sandra Sigurðardóttir, Anna Björk Kristjánsdóttir, Hallbera Gísladóttir, Fanndís Friðriksdóttir og Gunnhildur Yrsa Jónsdóttir fara úr byrjunarliðinu.

Á Twitter-síðu KSÍ kemur fram að Gunnhildur Yrsa hafi fengið leyfi til að fara og spila með liði sínu í Bandaríkjunum, Utah Royals.

Ísland gerir fimm breytingar á milli leikja, en Jón Þór Hauksson hafði þetta að segja um þær.#LeiðinTilEnglands#dottirpic.twitter.com/uz5IxlTXS8

— Knattspyrnusambandið (@footballiceland) June 17, 2019

Fyrri leikur Íslands og Finnlands fór fram í Turku og endaði með markalausu jafntefli. Leikur liðanna í dag fer fram í Espoo og hefst klukkan 15:30.