Hrannar nýr formaður Reykjavíkurdeildar Norræna félagsins

Hrannar Björn Arnarsson var á aðalfundi Norræna félagsins í Reykjavík í gær kjörinn formaður deildarinnar til næstu tveggja ára.

Hann tekur við af Björgu Evu Erlendsdóttur sem gaf ekki kost á sér til áframhaldandi formennsku.  

Ann-Sofie Gremaud og Hildur Helga Gísladóttir koma þá nýjar inn í aðalstjórn.

Hrannar var lengi aðstoðarmaður Jóhönnu Sigurðardóttur forsætisráðherra og framkvæmdastjóri þingflokks Jafnaðamanna í Norðurlandaráði svo fátt eitt sé nefnt.