Þristar sýndir milli kl. 19 og 21 í kvöld
Ákveðið hefur verið að gefa almenningi aftur kost á að skoða gamla stríðsþrista norðan við Loftleiðahótelið í kvöld. Fimm þristar til viðbótar, sem flugu frá Grænlandi til Íslands í dag, verða þá komnir á svæðið, sem verður opið milli klukkan 19 og 21.
Þá hefur tekist að gera við bilun í íslenska þristinum Páli Sveinssyni og er vonast til að hann komi norðan frá Akureyri til Reykjavíkur um kvöldmatarleytið. Verður hann einnig á stæðinu norðan við Hótel Loftleiðir með bandarísku vélunum.
Tengdar fréttir
Flugvél sem flutti Winston Churchill í næstu þristabylgju sem lendir síðdegis
Fimm gamlir stríðsþristar eru nú á leið til Íslands frá Grænlandi og búist við að þeir lendi allir í Reykjavík síðdegis. Almenningi býðst að skoða flugvélarnar milli kl. 19 og 21.
