Eldur kom upp í Valsárskóla

Eldur kom upp í Valsárskóla á Svalbarðseyri á sjöunda tímanum í kvöld.

Að sögn varðstjóra Slökkviliðs Akureyrar varð húsvörður var við eldinn þegar brunavarnarkerfi skólans fór af stað og sá hann reyk leggja frá geymslu í kennsluálmu skólans. Tókst honum að slökkva eldinn og bar út tæki sem kviknað hafði í.

Slökkviliði barst tilkynning um eldinn klukkan 18:24 en búið var að slökkva eld og reykræsting hafin klukkan 18:45.

Ekki er vitað um skemmdir en einhvern reyk lagði um skólann og séu einhverjar skemmdir eru þær vegna reyks.