Börsungar voru mikið með boltann í upphafi leiksins og það var ekki mjög óvænt þegar Börsungar komust yfir á tólftu mínútu leiksins. Heppnisstimpill yfir markinu en einnig sofandi háttur í varnarleik United.
Lionel Messi fékk boltann inni í teignum hjá United, vippaði boltanum á fjærstöngina þar sem Luis Suarez skallaði boltann í Luke Shaw og í netið. Í fyrstu var markið dæmt af vegna rangstöðu en eftir skoðun í VARsjánni var markið dæmt gott og gilt.
FT Man Utd 0-1 Barcelona
Luke Shaw's own goal gives Barcelona the advantage ahead of the second leg at the Nou Camp.
Live reaction https://t.co/DF1X3Cl0ra#UCL#MUNBARpic.twitter.com/vQTpSYhJHM
— BBC Sport (@BBCSport) April 10, 2019
United fékk tækifæri í fyrri hálfleik til þess að jafna metin. Diego Dalot fékk gapandi frían skalla á fjærstönginni en skallaði framhjá. Börsungar voru 1-0 yfir í hálfleik.
Síðari hálfleikurinn var mjög svo rólegur. Lítið um færi og Börsungar héldu boltanum vel innan liðsins. United náði aldrei að setja almennilega pressu á Barcelona og lokatölur 1-0.
Það er því verk að vinna fyrir United í síðari leiknum sem fer fram á Camp Nou næsta þriðjudag.
