Birkir og félagar urðu af mikilvægum stigum

Birkir Bjarnason spilaði allan leikinn í jafntefli Aston Villa í B-deildinni gegn Preston North End á heimavelli í kvöld, 1-1.

Tom Barkhuizen kom Preston yfir á 37. mínútu, en Birkir fór í svörtu bókina hjá dómaranum á 22. mínútu þegar hann fékk gult spjald. Staðan 0-1 í hálfleik.

Lewis Grabban jafnaði metin af vítapunktinum á 66. mínútu, en Villa náði ekki að tryggja sér sigurinn. Villa er í þriðja sæti deildarinnar með 60 stig, stigi á eftir Cardiff sem er í öðru sæti.

Jón Daði Böðvarsson var ónotaður varamaður í 1-1 jafntefli Readin gegn Nottingham Forest. Reading er í 18. sætinu.