Rekinn útaf í gær en sleppur við bann hjá aðalliði Liverpool

Stuðningsmenn Liverpool höfðu áhyggjur af því að hegðun eins landsliðsmanna félagsins með varaliðinu myndi hafa áhrif á aðalliðið en svo er ekki.

Adam Lallana þarf nefnilega ekki að taka út leikbann hjá aðalliði Liverpool þrátt fyrir að hafa fengið rautt spjald í gær.

Sky Sports News understands Adam Lallana will not be banned from Liverpool's first team after being sent off for U23s on Monday night. #SSNpic.twitter.com/fN4nV7NiyB

— Sky Sports News (@SkySportsNews) February 6, 2018

Adam Lallana var rekinn af velli í leik með 23 ára liði Liverpool en samkvæmt heimildum Sky Sports þarf enski landsliðsmaðurinn ekki að taka bannið út í leik með aðalliðinu.

Lallana lenti saman við nítján ára leikmann Tottenham sem heitir George Marsh.Lallana missti algjörlega stjórn á sér og þótti greinilega á sér brotið.

Upphafið af því var skallaeinvígi sem þeir fóru báðir í en þetta endaði með að Lallana tók strákinn hálstaki.

Danny Ings kom síðan aðvífandi og leiddi Adam Lallana í burtu en skaðinn var skeður og hann fékk beint rautt spjald.

The Tottenham Hotspur youngster went up for a challenge with Lallana, before the Liverpool player completely lost the plot...

He was given a straight went red card and had to be dragged away by Danny Ings. Completely unacceptable!  https://t.co/w9kMwp6f7E

— SPORTbible (@sportbible) February 5, 2018

Adam Lallana missti af fyrstu fjórum mánuðum tímabilsins vegna meiðsla en hefur verið að koma hægt og rólega til baka. Hann var hinsvegar ekki í leikmannahóp aðalliðs Liverpool í síðustu tveimur leikjum liðsins.