Tottenham í viðræðum við PSG um kaup á Moura

Tottenham Hotspur er í viðræðum við franska stórliðið PSG um kaup á sóknarmanninum Lucas Moura en Sky Sports greinir frá þessu.

Allir helstu miðlar England hafa fjallað um þetta mál í vikunni en engar staðfestar fréttar fyrr en núna.

Lucas Moura er 25 ára Brasilíumaður sem kom til PSG árið árið 2013 og hefur á þeim tíma spilað 152 leiki fyrir liði og skorað 33 mörk.

Búist er við því að Lucas Moura skrifi undir hjá Tottenham á næstu dögum en viðræður liðanna eru þó ekki búnar.