Erlent

Banksy birtir myndband af tætaranum í listaverkinu

Sylvía Hall skrifar
„Stúlka með blöðru“ er verkið sem um ræðir.
„Stúlka með blöðru“ er verkið sem um ræðir. Vísir/Getty
Götulistamaðurinn Banksy birti myndband á Instagram-reikning sínum þar sem hann sýnir hvernig hann setti tætara í ramma listaverksins sem seldist á rúmlega 1,3 milljónir Bandaríkjadollara á uppboði í London.

Banksy segist hafa sett tætara í rammann fyrir nokkrum árum síðan sem myndi tæta verkið ef það yrði selt á uppboði. Það varð raunin þegar listaverkið var selt á uppboði Sotheby‘s listasölusamsteypunnar. „Löngunin til að eyðileggja er líka listræn löngun,“ skrifar Banksy við myndbandið og vitnar þar í heimsfræga listamanninn Picasso.



 
 
 
View this post on Instagram
. "The urge to destroy is also a creative urge" - Picasso

A post shared by Banksy (@banksy) on Oct 6, 2018 at 10:09am PDT



Þegar listaverkið hafði verið selt fór af stað viðvörunarbjalla í rammanum og rann myndin úr rammanum í gegnum þartilgerðan tætara, viðstöddum til mikillar undrunar.

Listamaðurinn, sem hefur aldrei komið fram undir nafni, er mikill aðgerðarsinni og hefur hann meðal annars notað list sína til þess að vekja athygli á málefnum Palestínumanna og Kúrda. Þá hefur hann talað gegn neysluhyggju og hernaði.


Tengdar fréttir

Listaverk tætt eftir að hafa verið selt fyrir meira en milljón dali

Stensilmálverk eftir heimsfræga götulistamanninn Banksy tættist í ræmur eftir að hafa verið selt fyrir rúmlega 1,3 milljónir Bandaríkjadollara, tæpar 150 milljónir króna. Málverkinu hafði verið komið fyrir í þar til gerðum ramma sem tætti það svo niður stuttu eftir að það var selt á uppboði í London.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.