Lifði af flugslys Chapecoense liðsins og fær nú nýjan samning hjá félaginu

Alan Ruschel var einn af þremur leikmönnum brasilíska félagsins Chapecoense sem lifði af flugslys félagsins í loks ársins 2016.

Alls fórust nítján leikmenn og starfsmenn Chapecoense í flugslysinu í Kólumbíu en liðið var þá á leið í leik á móti kólumbíska liðinu Atlético Nacional í úrslitum Copa Sudamericana.

Alan Ruschel lifði af ásamt markverðinum Jakson Follmann og miðvörðurinn Neto. Aðeins sex komust af í þessu hræðilega slysi. Follmann missti fót í slysinu og spilar ekki fótbolta aftur en hinir tveir hafa snúið aftur í liðið.

Essa imagem ficará para a eternidade. VAMO VAMO CHAPE! #JogoDaAmizadepic.twitter.com/DG1axEqvS3

— Chapecoense (@AChapecoenseF) January 25, 2017

Ruschel náði sér af meiðslum sínum og snéri aftur inn á fótboltavöllinn níu mánuðum eftir slysið þegar hann lék vináttuleik á móti Barcelona í ágúst 2017.

Hann er nú orðinn 28 ára gamall en fær nýjan samning hjá Chapecoense sem nær til ársins 2020.

#NEWCONTRACT : #Chapecoense pertahankan Alan Ruschel hingga akhir 2020 pic.twitter.com/AC3w81yAoM

— Medio Transfer (@MedioTransfer) February 28, 2018

Rui Costa, framkvæmdastjóri félagsins, sagði að um enga góðgerðastarfsemi væri að ræða.

„Hann komst í gegnum erfiðustu mögulegu áskorun í lífinu og náði að klæðast treyjunni á ný,“ sagði Rui Costa um Alan Ruschel.