Héraðsdómur Norðurlands eystra dæmdi í vikunni þrítugan Akureyring í átján mánaða fangelsi fyrir að hafa ráðist fólskulega á mann og svipt frelsi í handrukkun sem fór fram í apríl árið 2016.
Er hann sakfelldur fyrir að hafa ráðist á manninn þar sem hann var í heitum potti við heimili, dregið hann upp úr og gengið í skrokk á honum. Árásarmaðurinn hvarf á braut en sneri aftur ásamt öðrum manni sem einnig var ákærður og þriðja manni sem nú er látinn.
Sjá einnig: Stunginn og skilinn eftir rænulaus uppi á fjalli
Þeir hafi sett þolandann rænulausan upp á pallbíl og keyrt með hann að Fálkafelli, gengið í skrokk á honum frekar og skilið hann eftir rænulítinn og blóðugan. Þar fann gangandi vegfarandi hann laust fyrir hádegi daginn eftir.
Hinn maðurinn var sýknaður af ákæru um árásina en dæmdur í mánaðarfangelsi fyrir fíkniefna- og vopnalagabrota.
Dæmdur fyrir handrukkun
Tengdar fréttir
Stunginn og skilinn eftir rænulaus uppi á fjalli
Maður á fertugsaldri fannst í Glerárdal eftir að hafa verið fluttur þangað nauðugur, með mikla áverka og búinn að missa á annan lítra af blóði.
