Félagsmálaráðherra stýrir „Súper gulrótum“ í körfubolta

Ásmundur Einar Daðason, félagsmálaráðherra er einn af átta þúsund gestum á unglingalandsmóti Ungmennafélags Íslands í Þorlákshöfn. Ráðherrann hefur í nógu að snúast á mótinu með stelpurnar sínar þrjár, auk þess að stýra kvennaliði í körfubolta sem kallar sig „Súper gulrætur“. 

Liðið er skipað stelpum úr Borgarfirði sem hafa staðið sig vel á landsmótinu í körfubolta.  Keppt er í um tuttugu keppnisgreinum á mótinu sem lýkur formlega í kvöld með flugeldasýningu.