Erlent

Elding varð sextán kirkjugestum að bana

Nína Hjördís Þorkelsdóttir skrifar
Mörgum kirkjum var lokað í Rúanda fyrir tveimur vikum, til að mynda vegna þess að eldingavörnum var ábótavant.
Mörgum kirkjum var lokað í Rúanda fyrir tveimur vikum, til að mynda vegna þess að eldingavörnum var ábótavant. Vísir/Getty
Sextán manns létust er eldingu laust niður í kirkju Sjöunda dags aðventista í Rúanda í gær.

Kirkjan er í bænum Nyaruguru, skammt frá landamærum Búrúndí. Samkvæmt heimildum BBC létust flestir hinna sextán samstundis.

140 voru fluttir á sjúkrahús til aðhlynningar í kjölfar atburðarins. Þrír hinna slösuðu liggja þungt haldnir en eru þó á batavegi, að sögn Habitegeko Francois borgarstjóra Nyaruguru.

Mikil þrumuveður hafa geisað á svæðinu undanfarna daga en á föstudaginn lést einn er eldingu laust niður í hóp nemenda.  

Samkvæmt innlenda fjölmiðlinum Panor Actu lokuðu stjórnvöld í Rúanda um 700 kirkjum í landinu fyrir tveimur vikum vegna brota á byggingarreglugerðum, til að mynda vegna þess að eldingarvara vantaði í mannvirkin.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.