Pochettino: Tottenham-maður núna og í framtíðinni

Mauricio Pochettino, stjóri Tottenham Hotspur, var að vonum ánægður eftir sigur sinna manna gegn Arsenal í dag en hann fór fögrum orðum um Harry Kane á fréttamannafundinum eftir leik.

Harry Kane skoraði eina mark leiksins en þetta var hans sjöunda mark gegn Arsenal á ferlinum í sjö leikjum.

„Allt sem hann hefur afrekað er magnað, ég er svo ánægður fyrir hans hönd og að hann sé í okkar liði.“

„Hann er Tottenham maður í gegn, hann er Tottenham maður núna og í framtíðinni.“

Með sigrinum í dag fór Tottenham upp í 3. sæti deildarinnar, upp fyrir Liverpool og Chelsea sem eiga þó leik til góða.