Enski boltinn

Höfuðkúpubrotnaði á móti Chelsea og þarf að leggja skóna á hilluna 26 ára

Óskar Ófeigur Jónsson skrifar
Stundin þegar fótboltaferill Ryan Mason endaði.
Stundin þegar fótboltaferill Ryan Mason endaði. Vísir/Getty
Ryan Mason hefur spilað sinn síðasta leik fyrir Hull City og sinn síðasta fótboltaleik á ferlinum og það þótt hann eigi ennþá fjögur ár eftir í þrítugsafmælið.

Ryan Mason höfuðkúpubrotnaði í leik á móti Chelsea 22. janúar 2017 eftir að hann og Chelsea-maðurinn Gary Cahill skölluðu saman.





Nú er ljóst að hann mun aldrei ná sér að fullu sem fótboltamaður og tók hann ráðum lækna um að leggja fótboltaskóna á hilluna. Ryan Mason þurfti að fara í aðgerð á höfði eftir samstuðið við Gary Cahill.

Hann þurfti að eyða viku á spítalanum og hefur talað um að hafa verið heppinn að lifa þetta af.



 

Mason vann markvisst og af miklum krafti að því að koma til baka inn á fótboltavöllinn en nú er ljóst að hann nær því ekki. Færustu læknar á sviði taugasjúkdóma sannfærðu um hann að áhættan væri of mikil að fara aftur inn á fótboltavöllinn.

Ryan Mason lék einn landsleik fyrir England árið 2015. Hann hóf ferilinn sinn hjá Tottenham en var keyptur til Hull fyrir þrettán milljónir punda í ágúst 2016 og varð þá dýrasti leikmaðurinn í sögu félagsins.

Enski boltinn

Mest lesið


Fleiri fréttir

Sjá meira


×

Mest lesið