Handtekinn eftir að hafa hótað að ræna Löna Del Rey

Lögregla í Flórída hefur handtekið 43 ára karlmann í Orlando eftir að hann hótaði að ræna söngkonunni Lönu Del Rey.

Í frétt BBC kemur fram að maðurinn hafi verið með hníf í fórum sínum þegar hann var handtekinn á föstudaginn, nærri íþróttahöllinni Amway Center þar sem söngkonan var með tónleika.

Lögregla segir að maðurinn, Michael Hunt, verði ákærður fyrir að hafa setið um söngkonuna og haft í hyggju að ræna henni. Maðurinn á að hafa sent Del Rey ógnandi skilaboð á samfélagsmiðlum.

Talsmaður lögreglu í Orlando segir lögreglu hafa borist ábending á föstudeginum og hafi Hunt í kjölfarið verið handtekinn á horni Hughey Avenue og Central Boulevard. Hunt var með hníf og miða á tónleika söngkonunnar í fórum sínum.

ARRESTED: Michael Hunt, for aggravated stalking & attempted kidnapping w/a weapon.

After receiving a tip we deemed a credible threat, OPD got to him before he could get near singer Lana Del Rey last night at her show at Amway Center. pic.twitter.com/twVrOSxNqF

— Orlando Police (@OrlandoPolice) February 3, 2018