Enski boltinn

United staðfesti komu Sanchez │ Mkhitaryan farinn til Arsenal

Ástrós Ýr Eggertsdóttir skrifar
Sanchez mun leika í treyju númer 7
Sanchez mun leika í treyju númer 7 mynd/manchester untied
Alexis Sanchez er loksins búinn að semja við nýtt félag, eftir að hafa verið orðaður í burtu frá Arsenal síðan síðasta sumar. Manchester United staðfesti komu Sanchez nú rétt í þessu.

Þrálátur orðrómur um óánægju Sanchez og yfirvofandi skipti hans til Manchester City voru allsráðandi í fjölmiðlum á Englandi það sem af er tímabili, en nú í janúar tók sagan óvæntan viðsnúning og var Sílemaðurinn orðaður við hitt Manchester-liðið.

Sanchez kemur til United í skiptum fyrir Armenan Henrikh Mkhitaryan sem fer til Lundúna. Sanchez skrifaði undir samning til fjögurra og hálfs árs.

Heimildir enskra fjölmiðla segja laun Sanchez hjá United verði 500 þúsund pund á viku en hann mun fá treyju númer 7 og fetar þar í fótspor manna eins og Cristiano Ronaldo og David Beckham.



 





Enski boltinn

Mest lesið


Fleiri fréttir

Sjá meira


×

Mest lesið