Viðar Örn með tvö mörk í sigri │ Skoraði eftir tólf sekúndur

Viðar Örn Kjartansson skoraði tvö mörk í 3-1 sigri Maccabi Tel Aviv á Maccabi Haifa í ísraelska boltanum í kvöld. Þetta voru níunda og tíunda mark Viðars í sautján leikjum.

Fyrra mark Viðars kom eftir tólf sekúndna leik og Tel Aviv var 1-0 yfir í hálfleik. Viðar Örn var aftur á ferðinni á 54. mínútu þegar hann tvöfaldaði forystuna fyrir sína menn.

Nikita Rukavytsya minnkaði muninn fyrir Haifa á 66. mínútu, en Cristian Battocchio innsiglaði sigurinn fyrir Tel Aviv fjórum mínútum fyrir leikslok.

Eftir sigurinn er Maccabi Tel Aviv með jafn mörg stig og Hapoel Beer Sheva á toppi delidarinnar þegar átján leikir eru búnir. Átta leikir eru eftir af mótinu.