Moyes: Þetta var viðbjóðslegt

David Moyes, stjóri West Ham, segist ætla að refsa Arthur Masuaki eftir að hann fékk að líta rauða spjaldið gegn Wigan í gær fyrir að skyrpa á leikmann Wigan.

Búist er við því að Masuaku fá langt bann fyrir atvikið en Moyes segir að West Ham munu einnig refsa honum.

„Það sem Arthur gerði var viðbjóðslegt, algjörlega viðsbjóðslegt,“ sagði Moyes í viðtali eftir leik.

„Hann mun eiga alla þá refsingu skilið sem hann fær fyrir þetta atvik og við munum einnig refsa honum, þetta var algjörlega óásættanlegt.“