Neymar um gagnrýnina: „Stundum ýki ég inni á vellinum“

Brasilíska stórstjarnan Neymar olli nokkrum vonbrigðum á HM í Rússlandi og var harðlega gagnrýndur fyrir leikaraskap. Hann notaði sjónvarpsauglýsingu styrktaraðila til þess að tjá sig opinberlega um málið.

Neymar skoraði tvö mörk á HM í Rússlandi þar sem Brasilía datt úr leik í 8-liða úrslitunum gegn Belgíu. Neymar hafði ekki spilað fótboltaleik í nærri hálft ár fyrir mótið þar sem hann fótbrotnaði í febrúar.

„Ykkur finnst ég ýkja og stundum geri ég það. En sannleikurinn er að ég þjáist inni á vellinum,“ sagði Neymar í sjónvarpsauglýsingu Gillette.

„Þið haldið kannski að ég detti of mikið, en sannleikurinn er að ég datt ekki, ég brotnaði niður. Það er mun verra en þegar stigið er á veikan ökkla.“

Neymar hefur ekkert talað við fjölmiðla eftir tapið í 8-liða úrslitunum og aðeins tjáð sig einu sinni með mynd á Instagram. Hann reyndi að útskýra sitt sjónarmið í auglýsingunni en útskýringar hans fóru ekkert sérstaklega vel í stuðningsmenn heima fyrir.

„Þegar ég fer án þess að tala við fjölmiðla er það ekki af því að ég vil bara sviðsljósið eftir sigra. Það er vegna þess að ég kann ekki enn að valda ykkur vonbrigðum,“ sagði Neymar.

„Þegar ég lít út fyrir að vera ókurteis er það ekki af því að ég er ofdekraður krakki, það er vegna þess að ég kann ekki að vera pirraður.“

„Það tók mig langan tíma að sætta mig við gagnrýni ykkar. Ég leit lengi í spegilinn og varð að nýjum manni. Ég féll, en þú getur ekki risið upp aftur nema hafa dottið fyrst.“

„Þið getið haldið áfram að kasta steinum, eða sett þá niður og hjálpað mér á fætur. Þegar ég stend uppréttur þá stendur Brasilía með mér,“ sagði Neymar.

Posso dizer que é o momento mais triste da minha carreira, a dor é muito grande porque sabíamos que poderíamos chegar, sabíamos que tínhamos condições de irmos mais além, de fazer história .. mas não foi dessa vez. Difícil encontrar forças pra querer voltar a jogar futebol, mas tenho certeza que Deus me dará força suficiente pra enfrentar qualquer coisa, por isso nunca deixarei de te agradecer Deus, até mesmo na derrota... porque eu sei que o teu caminho é muito melhor do que o meu Muito feliz em fazer parte desse time, estou orgulhoso de todos, interromperam nosso sonho mas não tiraram da nossa cabeça e nem dos nossos corações . . . @nogueirafoto

A post shared by Nj neymarjr (@neymarjr) on Jul 7, 2018 at 7:24am PDT