Klopp: Vonaðist einungis eftir þessu

Jurgen Klopp, stjóri Liverpool, var að vonum ánægður með sigur sinna manna gegn West Ham í ensku úrvalsdeildinni í dag.

Liverpool fór létt með West Ham og vann að lokum 4-1 sigur en Klopp sagðist ekki hafa búist við slíkri frammistöðu, hann hafi aðeins vonast eftir henni.

„Þegar ég vaknaði í morgun þá bjóst ég ekki við svona frammistöðu, ég vonaðist einungis eftir henni.“

„Það var svo ánægjulegt að horfa á þessa spilamennsku, þetta var frábær knattspyrnuleikur. Ég sá mikið af hlutum í þessum leik sem ég vil sjá í hverjum einasta leik, en því miður er það ekki alltaf þannig.“

Liverpool komst upp í 2. sæti deildarinnar með sigrinum á West Ham.