Sjáðu Zlatan bjarga stigi fyrir United og öll hin mörk gærkvöldsins | Myndbönd

Manchester United gerði enn eitt jafnteflið á heimavelli í gærkvöldi þegar United og Everton skildu jöfn á Old Trafford, 1-1.

Zlatan Ibrahimovic skoraði jöfnunarmarkið úr vítaspyrnu í uppbótartíma en hann var áður búinn að skora mark sem var dæmt af vegna rangstöðu.

United-menn geta ekki lengur komist upp fyrir Liverpool með leikjunum sem þeir eiga til góða eftir tvö jafntefli í röð en liðið er í fimmta sæti með 54 stig, fjórum stigum á eftir Manchester City og fimm stigum á eftir Liverpool. Það á einn leik til góða á Liverpool.

Leicester heldur áfram að vinna leiki undir stjórn nýja stjórans en liðið lagði Sunderland, 2-0, í gærkvöldi og er komið alla leið upp í ellefta sæti eftir að vera í fallbaráttu fyrir ekki svo löngu síðan.

Liðsfélagar Jóhanns Bergs Guðmundsonar gerðu frábærlega í að vinna Stoke á heimavelli og Watford hafði betur gegn WBA, 2-0.

Öll mörk gærkvöldsins má sjá hér að neðan.

Watford - WBA 2-0

Leicester - Sunderland 2-0

Burnley - Stoke 1-0