Samuel Eto'o skoraði tvö gegn Ólafi Inga og félögum

Ólafur Ingi Skúlason var í byrjunarliði Karabukspor þegar liðið fór í heimsókn til Antalyaspor í dag.

Það voru heimamenn sem byrjuðu betur og náðu þeir forystunni strax á 4. mínútu og var það enginn annar en Samuel Eto'o sem skoraði markið.

Staðan var 1-0 í hálfleik en Karabukspor mættu öflugir til leiks í seinni hálfleikinn og jöfnuðu metin á 60. mínútu með marki frá Mustapha Yatabare.

Það tók þó ekki langan tíma fyrir Antalyaspor að ná forystunni á nýjan leik því Samuel Eto'o var aftur á ferðinni aðeins fimm mínútum seinna og staðan því orðin 2-1.

Þetta reyndust lokatölur leiksins og eftir leikinn eru Karabukspor með 8 stig í 16. sæti deildarinnar.