Fékk þriggja leikja bann fyrir að traðka á mótherja

Tomer Hemed, framherji Brighton, hefur verið dæmdur í þriggja leikja bann af aganefnd enska knattspyrnusambandsins.

Hemed kom mikið við sögu í 1-0 sigrinum á Newcastle United á sunnudaginn. Ísraelinn skoraði eina mark leiksins og skömmu fyrir leikslok traðkaði hann á DeAndre Yedlin, varnarmanni Newcastle.

Atvikið fór framhjá dómurum leiksins en náðist á myndband.

Hemed missir af heimaleik gegn Everton og útileikjum gegn Arsenal og West Ham.

Hemed hefur skorað tvö mörk í sex leikjum fyrir Brighton í ensku úrvalsdeildinni.