Fótbolti

Mbappé lánaður til PSG

Ingvi Þór Sæmundsson skrifar
Kylian Mbappé sló í gegn á síðasta tímabili.
Kylian Mbappé sló í gegn á síðasta tímabili. vísir/getty
Paris Saint-Germain hefur fengið franska ungstirnið Kylian Mbappé á láni frá Monaco.

Lánssamningurinn gildir út tímabilið. Að því loknu á PSG möguleika á að semja við Mbappé til ársins 2022.

Mbappé sló í gegn með Monaco á síðasta tímabili þar sem hann hjálpaði liðinu að verða franskur meistari og komast í undanúrslit Meistaradeildar Evrópu. Hann skoraði alls 26 mörk fyrir Monaco í fyrra.

Mbappé, sem er 18 ára gamall, hefur leikið fjóra landsleiki fyrir Frakkland.

PSG hefur verið stórtækt á félagaskiptamarkaðinum í sumar og keypti m.a. Brasilíumanninn Neymar frá Barcelona fyrir metverð.

Fótbolti

Tengdar fréttir

Í beinni: Gluggadagur í Englandi

Félagaskiptaglugginn á Englandi og víðar í Evrópu lokaði í dag. Að venju var mikið um að vera á hinum svokallaða gluggadegi.

Mest lesið


Fleiri fréttir

Sjá meira


×

Mest lesið