Erlent

Bretar loka fiskimiðum sínum

Ingvar Þór Björnsson skrifar
Segir Gove að með þessu sé verið að taka aftur stjórnina.
Segir Gove að með þessu sé verið að taka aftur stjórnina. EPA
Michael Gove, umhverfisráðherra Bretlands, tilkynnti í viðtali við Andrew Marr á BBC fyrr í dag að ríkisstjórn Bretlands muni snúa baki við löggjöf frá árinu 1964 sem heimilar skipum frá Bretlandi, Frakklandi, Belgíu, Þýskalandi, Írlandi og Hollandi að veiða á milli sex og tólf sjómílna innan strandlengju hvers annars.

Bretland mun því geta meinað öðrum þjóðum að veiða í fiskveiðilögsögu landsins. Segir Gove að  „ með þessu sé verið að taka aftur stjórnina". Telur hann einnig að þetta muni hafa góð áhrif á umhverfið en með því að taka aftur yfir stjórn á fiskveiðilögsögunni mun það vera á ábyrgð Bretlands í meira mæli að koma í veg fyrir ofveiði og mengun innan lögsögunnar.

Sjávarútvegsstefna Evrópusambandsins leyfir öllum aðildarríkjum að veiða milli tólf og tvö hundruð sjómílna frá Bretlandi og setur kvóta á hversu mikinn fisk þjóðirnar mega veiða. Með því að ganga úr Evrópusambandinu mun Bretland geta stóraukið stjórn á fiskveiðilögsögunni.

Samkvæmt tölum frá 2015 um sjávarútvegsiðnaðinn í Bretlandi eru um sex þúsund skip sem landa yfir 708.000 tonnum af fiski að verðmæti rúmlega 100 milljarða á ári hverju. Um tíu þúsund tonn voru veidd af skipum frá öðrum löndum að andvirði rúmlega tveggja milljarða króna. 

Barrie Deas, framkvæmdastjóri landssamtaka sjávarútvegsfyrirtækja í Bretlandi, fagnaði ákvörðun ríkisstjórnarinnar og sagði að þetta væri mikilvægur þáttur í því að gera Bretland að sjálfstæðu strandríki með fullveldi yfir eigin efnahagssvæði.

Mest lesið


Fleiri fréttir

Sjá meira


×

Mest lesið