Mikill eldur í Gigantium-höllinni í Álaborg

Mikill eldur logar nú í Gigantium-höllinni í Álaborg á Jótlandi. Lögreglu á Norður-Jótlandi barst tilkynning um brunann klukkan 11:25 að staðartíma.

Í Gigantium er meðal annars að finna stóran tónleikasal, íþróttasal, skautahöll, sundhöll og aðstaða fyrir frjálsar íþróttir. Í frétt DR kemur fram að eldurinn hafi komið upp í stóra salnum þar sem tónleikar eru jafnan haldnir og handboltaleikir fara fram.

Slökkvistarf stendur enn yfir og er búið að rýma höllina. Danskir fjölmiðlar að búið sé að ná tökum á eldinum.

Svartur reykur berst nú frá höllinni og hafa íbúar á svæðinu í kringum háskólann, Føtex og Da Vinci-garðinn verið hvattir til að loka gluggum.

Ekki liggur fyrir hvað orsakaði brunann.

Brand i #gigantium
NORDJYSKE Medier er selvfølgelig på stedet.
Se mere på #24nordjyske og se også mere her: https://t.co/g4jMaRXa12

— Pia Haugaard (@pia24N) July 5, 2017

Det brænder stadig. #112 #aal #aalborg #gigantium pic.twitter.com/EZKC5rt3tS

— Nicolaj Lock (@mr_nlock) July 5, 2017