Arftaki Margaret Chan hjá WHO kjörinn

Tedros Adhanom Ghebreyesus, fyrrverandi heilbrigðismálaráðherra Eþíópíu, var í dag kjörinn til að gegna stöðu framkvæmdastjóra Alþjóðaheilbrigðisstofnunarinnar (WHO) næstu árin.

Ghebreyesus tekur við stöðunni af Margaret Chan frá Hong Kong sem hefur stýrt stofnuninni frá ársbyrjun 2007.

Ghebreyesus tekur við formlega við stöðunni 1. júlí næstkomandi og er skipunartíminn fimm ár. Hann var heilbrigðisráðherra Eþíópíu á árunum 2005 til 2012.

Kosið var á milli Ghebreyesus og hins breska David Nabarro og hinnar pakistönsku Sania Nishtar.

World Health Assembly #WHA70 elects Dr Tedros Adhanom Ghebreyesus as new WHO Director-General https://t.co/t3k96luAYK

— WHO (@WHO) May 23, 2017