Wenger: Eigum enn möguleika á Meistaradeildarsæti

Arsene Wenger, knattspyrnustjóri Arsenal, var að vonum sáttur með sigurinn á Middlesbrough í kvöld.

„Við brugðumst vel við. Þetta var ekki fullkomið en vinnuframlagið og einbeitingin voru til staðar. Í stöðunni 1-1 fundum við leið til vinna,“ sagði Wenger eftir leikinn sem Arsenal vann 1-2 með mörkum frá Alexis Sánchez og Mesut Özil.

„Þetta var stórt próf. Middlesbrough gaf allt. Þetta var einn af þeirra síðustu möguleikum á að halda sér í deildinni.“

Arsenal er nú sjö stigum frá Meistaradeildarsæti. Skytturnar eiga hins vegar leik og leiki til góða á liðin í kring.

„Tölfræðilega eigum við enn möguleika. Við vissum að við urðum að vinna. Núna kemur smá hvíld og bikarleikur áður en deildin tekur aftur við,“ sagði Wenger.